وزيراعظم محمد شهباز شرف هيچيسن پورٽ، ڏکڻ ايشيا، پاڪستان ٽرمينل دورو، چيئرمين ايف بي آر کي پاڪستاني بندرگاهن تي ترجيحي بنيادن تي جديد ترين اسڪينرز نصب ڪرڻ جي هدايت

ڪراچي -07 جولاءِ (اي پي پي) وزيراعظم محمد شهباز شريف چيئرمين ايف بي آر کي پاڪستاني بندرگاهن تي ترجيحي بنيادن تي جديد ترين اسڪينرز لڳائڻ جي هدايت ڪندي چيو آهي، ته ڪسٽمز عملدار، پورٽ عملدارن سان گڏجي بندرگاهن جي سگهه مان مڪمل فائدو حاصل ڪرڻ لاءِ قدمن کي يقيني بڻائين. وزيراعظم آفيس جي ميڊيا ونگ مان جاري ڪيل بيان موجب وزيراعظم محمد شهباز شريف هيچيسن پورٽ، ڏکڻ ايشيا پاڪستان ٽرمينل جو دورو ڪيو. ان موقعي تي وزيراعظم محمد شهباز شريف کي ٽرمينل جي آپريشنز جي حوالي سان بريفنگ ڏني وئي. بريفنگ دوران ٻڌايو ويو ته ڪراچي ۾ هيچيسن پورٽ، ڏکڻ ايشيا پاڪستان ٽرمينل دنيا جي ڪجهه گهري پاڻي ۾ موجود ٽرمنيلز مان هڪ آهي، پورٽ ٽرمينل کي جديد طريقي سان هلايو پيو وڃي جنهن ۾ اڪثر آپريشنز پاڻ مرادو آهن. پورٽ ٽرمينل تي جديد ٽيڪنالاجي ۽ اسڪينرز لڳايا ويا آهن. وزيراعظم کي پورٽ ٽرمينل جي سگهه جي حوالي سان آگاهه ڪندي ٻڌايو ويو ته پورٽ 35 لک ڪنٽينرز ساليانو اچ وڃ جي صلاحيت رکي ٿو. ايف بي آر طرفان بندرگاهن تي جديد اسڪرنز لڳائڻ جو عمل حتمي مرحلي م آهي جنهن ۾ جديد اوزارن ۽ مصنوعي ذهانت جي مدد سان ڪنٽينرز جي گهٽ وقت ۾ اسڪيننگ ڪري سگهبي. وزيراعظم محمد شهباز شڙيف چيو ته پورٽ ٽرمنيل جا آپريشنز عالمي معيار جي عين مطابق آهن، وزيراعظم هيچيسن پورٽ، ڏکڻ ايشيا ٽرمنيل جي جديد آپريشنز کي ساراهيو. هن ايف بي آر جي چيئرمين کي پاڪستاني بندرگاهن تي ترجيحي بنيادن تي جديد ترين اسڪينرز لڳائڻ جي هدايت ڪئي آهي. وزيراعظم چيو ته ڪسٽمز عملدار پورٽ عملدارن سان گڏجي بندرگاهن جي سگهه وڌائڻ مان مڪمل فائدو حاصل ڪرڻ لاءِ جلد قدم يقيني بڻائين. هن چيو ته پاڪستان جي روانگي واپار واري صنعت جي ترقي لاءِ بندرگاهن جي ترقي انتهائي ضروري آهي. ملڪي روانگي واپار جي واڌ لاءِ حڪومت ترجيحي بنيادن تي قدم کڻي رهي آهي. حڪومت خطي جي ٻين ملڪن خاص ڪري وچ ايشيائي رياستن لاءِ مختصر ۽ موذون ترين سامونڊي راهداري فراهم ڪرڻ جي حوالي سان پاڪستاني بندرگاهن جي ترقي لاءِ قدم کڻي رهي آهي. وچ ايشيائي رياستن چين ۽ ٻين ملڪن جي پاڪستاني بندرگاهن ذريعي واپار سان پاڪستان هر سال اربين ڊالرن جو مٽاسٽا وارو ناڻو ڪمائي سگهندو. ان موقعي تي ناڻي وارو وفاقي وزير محمد اورنگزيب، عطا تارڙ، ڄام ڪمال خان، قيصر احمد شيخ، احد خان چيمه، سنڌ جو گورنر ڪامران خان ٽيسوري، سيد مراد علي شاهه، چيئرمين ايف بي آر ۽ ٻيا اعليٰ عملدار به وزيراعظم سان گڏ موجود هئا.

مضمون کا ماخذ : کلیوپیٹرا

متعلقہ مضامین