اسلام آباد– 17 – ڊسمبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ڊي – 8 جي 11هين سربراهه اجلاس ۾ شرڪت جي لاءِ مصر جي گادي واري شهر قاهره روانو ٿي ويو. پرڏيهي آفيس موجب 19 ڊسمبر تي ٿيندڙ سربراهه اجلاس کان اڳ نائب وزيراعظم سينيٽر محمد اسحاق ڊار (اڄ) اربع ڏينهن ڊي – 8 وزيرن واري ڪائونسل جي 21هين اجلاس ۾ شرڪت ڪندو. بيان موجب نائب وزيراعظم اڱاري ڏينهن آذربائيجان جي گادي واري شهر باڪو ۾ سيڪا جي اجلاس ۾ ورچوئل شرڪت ڪندو. سينيٽر محمد اسحاق ڊار قاهره ۾ موجود پنهنجي هم منصبن سان ٻطرفيون ملاقاتون پڻ ڪندو.