د اولس مشر ډاكټر عارف علوي د پي اېن سي اے لخوا د وركړې شوي بريفنګ په مهال څرګندونې

اسلام آباد 08 فروري (اے پي پي) اولس مشر ډاكټر عارف علوي وئيلي دي پاكستان نېشنل كونسل آف آرټس (پي اېن سي اے) د پاکستان كلتورې مخ دے كوم چې د هېواد دننه او بهر د ټولو كلتوري هلو ځلو نمائندګي كوي۔ اولس مشر دا خبرې د جمعې په ورځ د پي اېن سي اے لخوا د وركړې شوي بريفنګ په مهال كړې ٬ چې پكښې د ادارې په هلو ځلو او د سباٶن په منصوبو رڼا اچولې شوه ۔ د اطلاعات او خپرونو وفاقي سېكتر شفقت جليل هم په دې موقع موجود ٶ۔ اولس مشر په دې خبره زور رواړو چې د آرټس اېنډ كلچر ودې لپاره ضروري اقدامات پورته كول پكار دي چې په نتيجه كښې به ئې پاكستان كښې د اعتدال پسندۍ تشخص رامخې ته شي۔ اولس مشر پي اېن سي اے ته امر وكړٶ چې ھغه كسانو ته آسانۍ وركولو لپاره ضروري اقدامات وكړي څوك چې اولس لپاره خپلې ذاتي فن پارې او كلتوري مجموعې عطيه كول غواړي۔ اولس مشر په دې خبره د اطمينان څرګندونه وكړه چې پي اېن سي اے په كلتوري څانګه كښې قامي تشخص رامخې ته كولو لپاره روايتي او د عصر د څرګندونې وړ كلتوري لوظنامو عملدرآمد له آسانۍ پېدا كوي۔ اولس مشر د آرټ او كلتوري هلو ځلو ودې او تحفظ لپاره د پي اېن سي اے د كردار ستائنه هم وكړه

مضمون کا ماخذ : اسکریچ کارڈ کی پیش گوئی

متعلقہ مضامین